Документи: Демократија и владеење на правото

Ова е првиот мониторинг извештај во рамките на проектот, кој го опфаќа периодот од ноември 2016 до јануари 2017 година. Мониторинг извештајот за транспарентноста, отчетноста и ефективноста на Судскиот совет на РМ и Советот за утврдување на факти и покренување на постапка за утврдување одговорност на судија е подготвен врз основа на Мониторинг матрицата со утврдени индикатори. Транспарентноста на Судскиот совет на РМ и Советот за факти во периодот на мониторинг, 1 ноември 2016 до 31 јануари 2017 година, се следеше низ аспект на информираност преку интернет страната и обезбеде- ната отчетност кон пошироката јавност преку различните начините на информирање како и обезбедената јавност на седниците.

Анализава ја елаборира сегашната состојба на овие два органи, а понатаму ќе користи за одредување на насоките на дејстување на ИЧП, како и за одме- рување на промените што би можеле да настанат. За утврдување на состојбата анализирана е легислативата со која се регулира судската власт, надлежностите на ССРМ и на Советот за утврдување факти, постапките, условите и критериумите за избор на судии, постапката за разрешување судии и нивно прераспределување, како и моменталната транспарентност и ефикасност во работењето на овие две тела. Во врска со нивното конкретно работење во практика, информациите се добиени преку контиунираното следење на седниците на ССРМ од Институтот за човекови права.